تجربة بالصور في مزاد السيارات الدولي بالرياض ( بيع وشراء وجولة خدمات )

[لؤي محمد]

يقول الراوي للقصة مايلي :


فكرت أبيع سيارتي بصراحة طابت النفس منها ومحتار وين أبيعها .. ؟
بمعارض النسيم او الشفاء ..
المهم وأنا جالس مع الشباب بالاستراحة قلت لهم قصتي ونصحني واحد من الزملاء وقال إذا تبي تبيع سيارتك وأنت مبسوط وما تكسر قيمتها..؟ قلت أكيد.. وين فيه
قالي ماعليك إلا تروح لـ مزاد التعمير الدولي للسيارات على طريق الدمام .. قلت وش هذا قال إذا أنت صامل بكره نصلي العصر عندهم وتشوف بعينك.



لما وصلنا مزاد التعمير الدولي للسيارات ماصدقت .. المكان روعة ..
جمال المبنى والمواقف الوسيعة والمطعم والساحات







ولما توجهنا لكاونترات استقبال السيارات وجدنا موظفين سعوديين يستلمون منك السيارة ويشيكون عليها وفق استمارة ونظام آلي
ويقيمون لك السيارة وانت تحدد السعر ويعملون على بيعها بأفضل سعر لإن عمولتهم تزداد كل مازاد سعر السيارة





و يسألونك أذا تبغى تغسل السيارة قبل المزاد ( ياسلام خدمة ولا في الأحلام )



كما يسألونك اذا حبيت تفحص السيارة من قبل ورشة معتمدة وتعطي تقرير لان ذلك يساعد في طمائنينة المشتري ويزاود وهو مطمئن مما يساعد في رفع سعر السيارة .





المهم بعد ماسلمنا السيارة، سألنا اذا بالامكان حضور المزايدة قالوا أكيد ووجهونا لصالة المزاد الرئيسية شي متعوب عليه
تكييف مركزي وبنك وقسم المرور ومطعم شركات تأمين وتأجير سيارات يعني تخلص كل شي بعد العصر .





ولما بداء المزاد كنت جالس في المطعم واتابع سياراتي من خلال شاشات العرض.


شاشة عرض السيارة

وقبل مايجي الدور على السيارة اتجهت للمسار وتم المزايدة وبيعت السيارة بـ 90الف
وانا حادها ب 88الف



ولما استلمت منه المطلوب قالوا توكل على الله وينزل المبلغ بحسابك أو تستلمه بشيك إلي يريحك ..
ياسلام على خدمة جناااان . وقلت لو حبيت أشتري سيارة .. قالوا تقدر ماعليك تسجيل بياناتك
وفعلاً سجلتها ودفعة عربون 2000 ريال مستردة .. اذا لم تشتري وسلموني كرت مزايدة .





ودخلت للمسارات وزادت والحمدالله حصلت سيارة ممتازة وكل الي طلبوا تسليم كرت المزايدة
وخلال دقيقتن طبعو ا الاتفاقية ووقعت عليها كمشتري.


اتفاقية الشراء


بعدين رجعت الكونترات وسلمت باقي المبلغ وبعدها توجهت للمرور وتم نقل ملكية الاستمارة
واخذت السيارة في نفس اليوم ماصدقوا زملائي إلى صار ألا يوم جيتهم بالسيارة .


الله لا يعيد أيام الحراجات العشوائية والقلق اللي يصير في يومك يروح
وأنت مادخلت ساحة الحراج وحدث ولا حرج غش وخداع وغيره .



===============
(( من سلة البريد ))

[لؤي محمد]

[فــجــر]

اذكر مره شطفناه على الطريق


من جد راااحه >>> وحده ناويه تبيع سيارتها



بالتوفيق